बराहक्षेत्र नगरपालिका, सुनसरीमा "भाषा कक्षाकोठामा विद्यार्थी संलग्नता: सिर्जनात्मकता र समालोचनात्मक सोच" विषयक दुई-दिनीय अंग्रेजी शिक्षक सम्मेलन सम्पन्न भएको छ।
सम्मेलनमा वन तथा वातावरण मन्त्रालयका माननीय मन्त्री सदानन्द मण्डल प्रमुख अतिथिका रूपमा उपस्थित रहे। कार्यक्रममा बराहक्षेत्र नगरपालिकाका प्रमुख रमेश कार्की तथा विभिन्न विद्यालयका अंग्रेजी शिक्षकहरूको सहभागिता रहेको थियो।
उक्त सम्मेलनमा भाषा शिक्षणलाई प्रभावकारी बनाउन विद्यार्थी संलग्नता, सिर्जनात्मकता, र समालोचनात्मक सोच अभिवृद्धि गर्ने उपायहरूबारे छलफल गरिएको थियो। शिक्षण शैली सुधार गर्न प्रशिक्षकहरूबाट विभिन्न कार्यशाला समेत सञ्चालन गरिएको थियो।
शिक्षकहरूका लागि ज्ञान आदान-प्रदान तथा नवीन शिक्षण प्रविधिहरू समेट्ने उद्देश्यले आयोजना गरिएको सम्मेलनले अंग्रेजी शिक्षणलाई थप गुणस्तरीय बनाउन योगदान दिने आयोजकहरूले विश्वास व्यक्त गरेका छन्।
