लहान - हेल्पिङ हर्ट नेपाललाई एशियाकै प्रतिष्ठित सगरमाथा चौधरी आँखा अस्पतालले ४२औँ वार्षिकोत्सवको अवसरमा, हेल्पिङ हर्ट नेपालका महा सचिब मेराज खानलाई सम्मान गरेको हो।
हेल्पिङ हर्ट नेपालले गर्दै आएका उल्लेखनीय स्वास्थ्य क्षेत्र लगायत सामाजिक कार्यहरू र सहयोगको उच्च मूल्यांकन गर्दै मधेस प्रदेशका मुख्यमन्त्री माननीय सतिश कुमार सिंह द्वारा सम्मान प्रदान गरिएको हो।
हेल्पिङ हर्ट नेपाल एक गैर-नाफामूलक संस्था हो जसले नेपालका विभिन्न जिल्लाहरूमा स्वास्थ्य, शिक्षा, र सामाजिक सेवाका क्षेत्रमा योगदान पुर्याउँदै आएको छ। यस संस्थाले विशेष गरी दुर्गम र आर्थिक रूपमा विपन्न समुदायहरूलाई लक्षित गर्दै विभिन्न कार्यक्रमहरू सञ्चालन गर्दछ।
हेल्पिङ हर्ट नेपाल संस्थाका महा सचिब मेराज खान कार्यक्रममा बोल्दै आफू यो समाजमा धेरै कुराहरु गर्न छुट्याएको आगामी दिनमा त्यो पनि गर्ने प्रतिवद्धता ब्यक्त गर्नु भयो।
